“CHAMELEON” olaraq şəxsi məlumatlarınızın necə istifadə olunduğu və paylaşıldığına əhəmiyyət verdiyinizi bilir və sizin məxfiliyinizə ciddi yanaşırıq.

"CHAMELEON", "chameleon.ws" veb-saytını ("veb-səhifə") idarə edir. Bu “Məxfilik Siyasəti” veb-səhifəmiz vasitəsilə bizə təqdim etdiyiniz hər hansı bir şəxsi məlumatın toplanması, istifadəsi və üçüncü şəxslərlə bölüşülməsi ilə bağlı metodlar barədə sizə məlumat vermək üçün nəzərdə tutulmuşdur. "Şəxsi Məlumat" – sizin adınız, yaşayış və elektron poçt ünvanınız, telefon nömrəniz, eləcə də yuxarıda göstərilənlərlə əlaqəli digər qeyri-ictimai məlumatlarınız ola bilər. “Anonim məlumat” – sizin şəxsi məlumatlarınızla əlaqəli olmayan məlumatlardır; “Anonim məlumat” şəxsin kimliyini müəyyənləşdirməyə imkan vermir.

Məhsullarımız rəsmi olaraq patentləşdirilmiş "CHAMELEON" brendinin adı altında bazara təqdim edilir. Bu brend özünün Azərbaycanda yeganə distribyutoru olan "CREO" MMC şirkətinə məxsusdur.

İSTİFADƏÇİ RAZILIĞI

Veb-səhifəmizə daxil olaraq və ya başqa şəkildə ondan istifadə edərək, bu “Məxfilik Siyasəti”-nin şərtlərinə razılıq vermiş və şəxsi məlumatlarınızın bu “Məxfilik Siyasəti”-nə uyğun istifadəsinə birbaşa razılıq vermiş hesab olunursunuz. Şəxsi məlumatlarınız Azərbaycan Respublikasının qanunlarına uyğun olaraq "CHAMELEON" tərəfindən emal edilə bilər.

ŞƏXSİ MƏLUMATLARIN TOPLANMASI

Veb-səhifəmiz vasitəsi ilə bizə könüllü olaraq təqdim etdiyiniz şəxsi məlumatları toplayırıq.

Toplaya biləcəyimiz şəxsi məlumat növləri bunlardır:

• Adlar

• Elektron poçt ünvanı

• Ünvanlar

• Telefon nömrələri

• Sifariş məlumatları (kredit kartı məlumatları xaric olmaqla*)

• Alış-veriş tarixçəsi

• "Cookie" parametrləri ("məni yadda saxla")

• "IP-ünvanı"

Bütün istifadəçilərin nəzərinə: Veb-səhifəmizdə olarkən, internet protokolu ünvanları, “cookie” və digər naviqasiya məlumatları da daxil olmaqla müəyyən məlumatlar passiv şəkildə toplanacaqdır. Bu tip məlumatlar veb-səhifəmizi yaxşılaşdırmaq üçün məlumat toplamaq, eləcə də veb-səhifə ilə qarşılıqlı əlaqənizin keyfiyyətini artırmaq üçün istifadə ediləcəkdir.

"İnternet Protokolu Ünvanı" və ya "IP-ünvan" internetdən istifadə edərkən avtomatik olaraq kompüterinizə təyin olunan bir nömrədir. Bəzi hallarda, "IP-ünvan"-ınız bir brauzer sessiyasından digər brauzer sessiyasına qədər dəyişməz qalır. Lakin siz “internet-provayder” xidmətindən istifadə edirsinizsə, "IP-ünvan"-ınız, yəqin ki, hər sessiyadan sonra dəyişir. Veb-səhifəmizin axınını təhlil etmək üçün "IP-ünvan"-ı yalnız sessiya “cookie”-ləri ilə birlikdə izləyirik. Məsələn, serverimizdəki problemlərin diaqnozu və səhifəmizin daha yaxşı idarəolunmasını təmin etmək üçün "IP-ünvan"-ınızdan istifadə edirik. Bundan əlavə, "IP-ünvan"-ınız geniş demoqrafik məlumatların toplanması üçün istifadə edilə bilər (məsələn, Bakı şəhərindən olan istifadəçilərin sayı).

“Cookie”-lər veb-səhifəmizdə olarkan veb-səhifənin kompüterinizin “hard disk” yaddaşına göndərdiyi kiçik məlumat hissələridir. “CHAMELEON” sizin veb-səhifədən daha fərdi və interaktiv istifadənizi təmin etmək üçün həm sessiya “cookie”-lərini (istifadə müddəti veb-brauzerinizi bağladıqdan sonra bitən), həm də daimi “cookie”-ləri (silmədiyiniz təqdirdə kompüterinizdə qalan) istifadə edə bilər. Daimi “cookie”-lər veb-brauzerin yardım bölməsindəki təlimatları izləyərək silə bilərsiniz. Biz giriş prosesini asanlaşdırmaq üçün “cookie”-lərdəm istifadə edirik (məsələn, “CHAMELEON”-un veb-səhifəsində "Yadda saxla" düyməsini seçsəniz, növbəti dəfə səhifəyə daxil olarkən e-poçt ünvanı və şifrəni daxil etmək lazım olmayacaq). Veb-səhifəmizdə təklif olunan “CHAMELEON” xidmətlərindən istifadə etmək üçün veb-brauzeriniz “cookie”-ləri qəbul etməlidir. Əgər “cookie”-ləri qəbul etməməyi seçsəniz, səhifənin bəzi bölmələri düzgün işləməyə və “CHAMELEON” xidmətlərindən istifadəniz mümkünsüz ola bilər.

ŞƏXSİ MƏLUMATLARDAN İSTİFADƏ

Ümumiyyətlə, bizə təqdim etdiyiniz şəxsi məlumatlar sorğularınıza cavab vermək və ya sizə “CHAMELEON” xidmətləri göstərmək üçün istifadə olunur. Topladığımız şəxsi məlumatları əlavə ictimai məlumat və ya digər üçüncü mənbələrin məlumatları ilə birləşdirə bilərik. Biz “Şəxsi Məlumat”-lardan “Anonim Məlumatlar”-ın (sizin üçün şəxsən müəyyənləşdirən məlumatlar (Məsələn, adınız) istisna olmaqla) qeydlərini yarada bilərik. İstifadə qaydalarını təhlil etmək və statistik məqsədlər üçün bu anonim məlumatlardan istifadə edə bilərik. “CHAMELEON”, öz istəyi ilə anonim məlumatı istifadə etmək və üçüncü şəxslərə açıqlamaq hüququnu özündə qoruyub saxlayır.

ŞƏXSİ MƏLUMATLARIN AÇIQLANMASI

“Şəxsi məlumatlar”-ınızın bir hissəsini və ya hamısını Tərəfdaşlarımıza (yəni baş ofis, onun nəzdində olan şirkətlər, ortaq müəssisələr və ya ümumi nəzarət altında olan digər şirkətlər) ötürə bilərik, bu halda biz öz tərəfdaşlarımızdan bu “Məxfilik Siyasəti”-nə riayət etməklərini tələb edəcəyik. Şirkətimiz və ya hissələrimiz başqa bir şirkət tərəfindən əldə edilərsə, həmin şirkət topladığımız “Şəxsi Məlumatlar”-a sahib olacaq və bu şirkət hazırki “Məxfilik Siyasəti”-nə uyğun olaraq “Şəxsi Məlumatlar”-la bağlı hüquq və öhdəlikləri öz üzərinə götürəcəkdir.

Biz təqdim etdiyimiz xidmətlərin bir və ya bir neçə aspektini asanlaşdırmaq və ya ötürmək üçün üçüncü şəxslərdən istifadə edə bilərik və bu səbəbdən də bəzi şəxsi məlumatları birbaşa bu xidmət təminatçıları ilə paylaşa bilərik. Bu xidmət təminatçıları bizimlə məxfilik haqda sazişlər bağlayır, hansı ki, tələb olunan xidmətin göstərilməsi xaricində istifadə etdiyimiz məlumatlarınızın istifadəsini və açıqlanmasını qadağan edir.

Biz digər sayılıb-seçilən və nüfuzlu reputasiyaya sahib olan şirkətlərə adınızı və poçt ünvanınızı (kredit kartı məlumatı bura daxil deyil) açıqlaya bilərik ki, onlar sizi maraqlandıra biləcək məlumatları sizə göndərə bilsinlər. Bu hallarda bölüşdüyümüz məlumatlar həmin şirkətlərə e-poçt və ya SMS vasitəsilə sizinlə şəxsi əlaqə qurmaq səlahiyyəti vermir.

Biz, verəcəyimiz açıqlanmanın Azərbaycan Respublikasının mövcud qayda və qanunlara riayət etmək və ya “CHAMELEON”-a təqdim edilmiş müraciət və ya əmrlərə cavab vermək üçün zəruri olduğuna əmin olsaq, sizin şəxsi məlumatlarınızı açıqlamaq səlahiyyətinə sahibik.

SİZİN ÖZ ŞƏXSİ MƏLUMATLARINIZLA BAĞLI SEÇİMİNİZ

Biz sizə şəxsi məlumatlarınızın toplanması, istifadəsi və paylaşılması ilə bağlı seçimlər təklif edirik. Bizdən xəbər bülletenləri və ya reklam mesajları aldığınız zaman, bizdən bu tip əlavə məlumatlar almağı dayandırmaq istədiyinizi bildirə bilərsiniz və bu məlumatlardan imtina etmək hüququnuz olacaq. "CHAMELEON"-dan qəbul etdiyiniz istənilən e-poçtun altındakı "Abunəliyin ləğvi" bağlantısına daxil olaraq abunəliyinizi dayandıra bilərsiniz. Əgər bu xəbərlərə abunəliyi ləğv etsəniz, elektron poçt ünvanınız “xəbər bülleteninə abunə olanlar” siyahısından silinəcəkdir.

Biz sizə məhsullarımız haqqında inzibati mesajlar və ya “Məxfilik Siyasəti”-mizə edilən hər hansı dəyişikliklər barədə bildirişlər göndərə bilərik.

UŞAQLAR HAQQINDA

Veb-səhifəmiz 13 yaşdan kiçik uşaqlar üçün nəzərdə tutulmayıb. Biz bilərəkdən bu yaş qrupundakı istifadəçilər haqqında şəxsi məlumat toplamırıq.

DİGƏR VEB-SƏHİFƏLƏRƏ YÖNLƏNƏN LİNKLƏR

Bizim, sizin rahatlığınız üçün, hər hansı digər məkan və ya veb-səhifəyə link təqdim etməyimiz o demək deyil ki, bu məkan və ya veb-səhifəni və ya onun məzmununu dəstəkləyirik. Biz üçüncü tərəflərin veb-səhifələrinə və onların məzmununa nəzarət etmirik və onlara cavabdeh deyilik. Nəzərə alın ki, “Məxfilik Siyasəti”-mizin şərtləri üçüncü tərəflərin veb-səhifələrinə şamil edilmir.

TƏHLÜKƏSİZLİK

Biz şəxsi məlumatlarınızı icazəsiz giriş, istifadə və ya aşkara çıxarılmağının qarşısını almaq üçün bir sıra standart təhlükəsizlik texnologiyaları və prosedurlarından istifadə edirik. Lakin “CHAMELEON” da daxil olmaqla heç bir şirkət şəxsi məlumatla əlaqəli təhlükəsizlik risklərini tamamilə aradan qaldıra bilməz.

ŞƏXSİ MƏLUMATIN NƏZƏRDƏN KEÇİRİLMƏSİ VƏ YENİDƏN BAXILMASI

Veb-səhifəmiz öz istifadəçilərinə, onlara məlumat göndərdiyimiz anda, bizdən məktub almaqdan imtina etmək imkanı verir. Səhifəmiz sizə bizdən bir daha məktub almamağınız və ya xidmətlərimizi qəbul etməməyiniz üçün məlumatlarınızı verilənlər bazamızdan silmək imkanı verir. Qeydiyyatdan keçmiş istifadəçilər daha əvvəl daxil olunmuş məlumatları dəyişdirmək üçün “Mənim Hesabım” səhifəsinə daxil ola və “CHAMELEON”-dan gələn e-poçt bildirişləri üçün əlaqə məlumatlarını dəyişə bilərlər.

BİZİMLƏ ƏLAQƏ

Bu “Məxfilik Siyasəti” ilə bağlı hər hansı bir sualınız və ya şübhəniz varsa, “ƏLAQƏ” bölməsində göstərilən əlaqə məlumatlarını istifadə edərək bizimlə əlaqə saxlaya bilərsiniz.

MƏXFİLİK SİYASƏTİNİN YENİLƏNMƏSİ

Bu “Məxfilik Siyasəti” vaxtaşırı nəzərdən keçirilə bilər. Şəxsi məlumatlarınızı necə istifadə etdiyimizə dair hər hansı bir dəyişiklik edilərsə, bu haqda veb-səhifəmizdə xəbərdarlıq yerləşdirəcəyik. Bu dəyişikliklərlə razı olmadığınız təqdirdə, veb-səhifəmizdən istifadəni dayandırmalısınız. Bu dəyişikliklər barədə bildiriş aldıqdan sonra veb-səhifəmizdən istifadəyə davam etməyiniz, bu dəyişiklikləri və dəyişikliklərin şərtlərini qəbul etdiyinizi göstərəcək.